बेइज्जत गरेकोले कतार पुगेका फिल्मकर्मीले 'एयर अरेविया' नचढ्ने

कतार पुगेका करिब ८० नेपाली फिल्मकर्मीले 'एयर अरेबिया'को विमान नचढ्ने घोषणा गरेका छन्। उनीहरुले अनावश्यकरुपमा आफूहरुलाई दु:ख दिएको, बेइज्जत गरेको र दुर्व्यवहार गरेको भन्दै सो निर्णय गरेको बताइन्छ। नेपाल फर्कदा उनीहरुले 'एयर अरेविया'बाट नफर्किने बताएका हुन्। नेपाल चलचित्र प्राविधिक संघ र अन्तराष्ट्रिय कलाकार मञ्च, कतारको सहकार्यमा दोहामा बिहिबार साँझ हुने आठौं नेफ्टा अवार्डमा सहभागी हुन् कतार हिँडेका चालिस बढि फिल्मकर्मीलाई शारजाह विमानस्थलमा 'एयर अरेविया'का कर्मचारीले १५०० डलर नभएको भन्दै दुर्व्यवहार गरेका थिए।

अवार्डमा सहभागी हुने गएका फिल्मकर्मी सबैसँग साथमा १५०० डलर नभएको भन्दै 'एयर अरेबिया'ले विमान चढ्न नदिएपछि उनीहरु युएईको शारजाहमा अलपत्र परेका थिए। अवार्डको मिडिया संयोजन गर्दै आएका विजय आवाजले दिएको जानकारी अनुसार कलाकारहरुले आफ्नो भएका कारण सो विमानबाट नेपाल नफर्किने बताएका हुन्। उनीहरुले आयोजकले नपठाए आफ्नै खर्चमा फर्किने भनेको पनि बताए। 

प्राप्त जानकारी अनुसार ठूलो समूहमा गएका नेपाली फिल्मकर्मीहरू २५, २६ र २७ तारिखमा नेपाल फर्किनेछन्। २४ घण्टा बढि शारजाहमा अलपत्र परेका फिल्मकर्मीलाई पछि आयोजकले उनीहरुलाई कतार एयरवेजबाट बुधबार कतार लगेका थिए।