नेपाली क्रिकेट इतिहाँसमा खेलाडीहरुको अन्तर्राष्ट्रिय शतकहरु !

वैशाख ६, २०७३- पारस खड्का लिस्ट ‘ए’ मान्यता प्राप्त खेलमा नेपालबाट उच्च स्कोर बनाउने खेलाडी बनेका छन् । नामिबियाविरुद्व विश्व क्रिकेट लिग च्याम्पियनसिपको खेलमा उनले सोमबार १ सय ३ रन बनाएका थिए ।

गत वर्ष जुलाईमा ओपनर अनिल मण्डलले स्कटल्यान्डको एयरमा घरेलु टोलीविरुद्व १ सय रन बनाएका थिए । नेपालले २०१४ मा एकदिवसीय विश्वकप छनोटमा प्रतिस्पर्धा गरे देखि लिस्ट ‘ए’ मान्यता प्राप्त खेलहरुमा खेलिरहेको छ ।

संयोग के छ भने अनिलपछि नेपाली राष्ट्रिय टोलीबाट दुई शतक बनाउने पारस पहिलो खेलाडी हुन् । दुबैको १–१ को शतकमा नेपालले पराजय भोगेको छ । शक्ति गौचन र शरद भेषावकरको नाममा नेपाली राष्ट्रिय टोली र उमेर समूहबाट दुई शतक बनाउने कीर्तिमान छ ।

सन् २००३ मा राजु खड्काले एसीसी एमर्जिङ कपमा भुटानविरुद्ध बनाएको शतक नेपालको पहिलो थियो । राष्ट्रिय टोलीबाट उच्च स्कोरको कीर्तिमान सुवास खकुरेलको नाममा छ । सन् २०१२ मा सुवासले अमेरिकाविरुद्व १ सय १५ रन बनाएका थिए ।

नेपालबाट शतक बनाउनेहरु

स्कोर	ब्याट्सम्यान	विरुद्ध	कहिले	कहाँ
१०५	राजु खड्का	भुटान	२००३	कीर्तिपुर
१०६	शक्ति गौचन	इटाली	२००५	मलेसिया
१०५	शरद भेषावकर	फिजी	२०१०	कीर्तिपुर
११५	सुवास खकुरेल	अमेरिका	२०१२	मलेसिया
११३	अनिल मण्डल	डेनमार्क	२०१२	मलेसिया
१०६	पारस खड्का	कुवेत	२०१२	युएई
११४	ज्ञानेन्द्र मल्ल	सिंगापुर	२०१४	मलेसिया
१००	अनिल मण्डल	स्कटल्यान्ड	२०१५	स्कटल्यान्ड
१०३	पारस खड्का	नामिबिया	२०१६	कीर्तिपुर