२०७३ सालमा तीन वटा दसैँ !!!

काठमाडौं, चैत १९ – २०७३ सालमा नेपालमा तीन वटा दसैँ परेका छन् । त्यसैले हिन्दु धर्मावलम्बीहरुले ७३ सालमा तीन वटा दसैँ मनाउन पाउने भएका छन् । तीन वटा दसैं सहितको नयाँ वर्षको पात्रो सरकारले सार्वजनिक गरेको छ ।

मन्त्रिपरिषदको बैठकले सार्वजनिक बिदाका दिन स्वीकृत गरेपछि बिहीबार नेपाल राजपत्रमा सूची प्रकाशित भएको हो । ०७३ सालमा वडा दसैँ असोज २५ मा परेको छ । यस्तै यसवर्षको चैते दसैँ ०७३ साल वैशाख ३ गते र ०७३ को चैते दसैँ चैत २३ गते परेको हुँदा एकै वर्ष हिन्दु धर्मावलम्बीले तीन वटा दसैँ मनाउन पाउने भएका हुन् ।

यस्तै नेपाल पञ्चाङ्ग निर्णायक समितिले १३ वटा पात्रोलाई नयाँ वर्षको आधिकारिक पात्रोका मान्यता दिएको छ । नयाँ वर्षका लागि संस्कृति पर्यटन तथा नागरिक उड्डयन मन्त्रालयअन्तर्गतको नेपाल पञ्चाङ्ग निर्णायक समितिले स्वीकृति दिएका पञ्चाङ्गमा तोयनाथको, बाबुराम, नरनाथ, हिमाल, अठोला, तारकेश्वर, सूर्य, आकाश दर्शन, बङ्गलामुखी, शुभ, बाबा गोरखनाथ, कीर्ति र सिद्धि गरी १३ पात्रो छन् ।

७३ सालका महत्वपूर्ण चाडपर्वहरु निम्न दिन परेका छन् :

 

• रामनवमी – वैशाख ३
• महावीर जयन्ती – वैशाख ७
• मातातीर्थ औंसी – वैशाख २४
• अक्षय तृतीया – वैशाख २७
• बुद्ध जयन्ती – जेठ ८
• गुरुपूर्णिमा – साउन ४
• नागपञ्चमी – साउन २३
• जनै पूर्णिमा – भदौ २
• कुशे औंसी – भदौ १६
• इन्द्रजात्रा – भदौ ३०
• हरितालिका तिज – भदौ १९
• ऋषिपञ्चमी – भदौ २१
• घटस्थापना असोज – १५
• महाष्टमी – अजोज २३
• महानवमी – असोज २४
• विजयादशमी – असोज २५
• कोजाग्रत पूर्णिमा – असोज २९
• कागतिहार – कात्तिक १२
• भाइटीका – कात्तिक १६
• छठ पर्व – कात्तिक २१
• बालाचतुर्दशी – मंसिर १३
• धान्यपूर्णिमा – मंसिर २८
• विवाह पञ्चमी – मंसिर १९
• शिवरात्री – फागुन १३
• होली – फागुन २९ र ३०
• घोडे जात्रा – चैत १४
• रामनवमी – चैत २३ गते