सबैभन्दा बढी कमाउने विश्वका १० महिला खेलाडी (फोटो फिचर)

विश्वकै सबैभन्दा राम्री टेनिस खेलाडी मारिया शारापोभाको वार्षिक कमाइ करिब २७७ करोड रुपैयाँ भन्दा बढी छ। सर्वाधिक कमाइ गर्ने महिला खेलाडीहरुमा पहिलो नम्बरमा आँउछिन उनी।

दोस्रो नम्बरमा चीनकी टेनिस खेलाडी लि ना पर्छिन। उनले वार्षिक २४० करोड रुपैयाँ भन्दा बढी कमाउँछिन।

तेस्रो नम्बरमा अमेरिकाकी टेनिस खेलाडी सेरेना विलियम्स पर्छिन्। उनको वार्षिक कमाइ २२५ करोड रुपैयाँ भन्दा बढी छ।

चौथो नम्बरमा कोरियाकी ‘स्केटिङ क्वीन’ किम यूना पर्छिन। उनले १६६ करोड रुपैयाँ भन्दा बढी कमाउँछिन। उनी ‘फिगर स्केटिङ’की खेलाडी हुन।

पाँचौ नम्बरमा अमेरिकाकी डेनिका पैट्रिक पर्छिन। अटो रेसकी खेलाडी डेनिकाले १५२ करोड रुपैयाँ भन्दा बढी कमाउँछिन।

छैटौं नम्बरमा बेलारुसकी टेनिस खेलाडी भिक्टोरिया अजारेन्का  पर्छिन। उनको वार्षिक कमाइ ११३ करोड रुपैयाँ भन्दा बढी छ।

सातौ नम्बरमा डेनमार्ककी टेनिस खेलाडी कारोलिन विज्नियाकी रहेकी छिन्। उनको वार्षिक कमाइ ११२ करोड रुपैयाँ भन्दा बढी छ।

आठौं नम्बरमा सर्बियाकी एना इवानभिक छिन। उनी पनि टेनिस खेलाडी हुन। उनको वार्षिक कमाइ ७७ करोड रुपैयाँ भन्दा बढी छ।

नवौँ नम्बरमा पोल्याण्डकी अग्निएस्का रडवन्स्का  छिन। उनी पनि टेनिस खेलाडी हुन। उनको वार्षिक कमाइ ७० करोड रुपैयाँ भन्दा बढी छ।

दशौं नम्बरमा अमेरिकाकी पाउला क्रेमर छिन। उनी गल्फ खेल्छिन। उनको वार्षिक कमाइ ५६ करोड रुपैयाँ भन्दा बढी छ।