‘गोजीमा गाँठ भा’को’ केटा खोज्दै नर्वेमा कोमल ओली

 तीज कार्यक्रमका लागि अमेरिका जाने पक्का भएपछि अन्तिममा अमेरिकी दुतावासले भिषा नदिएपछि नर्वेको ओस्लो पुगेकी गायिका कोमल ओलीले त्यहाँ पनि आफुलाई ‘गोजीमा गाँठ भा’को केटा’ खोज्न भ्याएकी छिन् ।

तीज विशेष कार्यक्रममा गीत गाउँदै गायका ओलीले यस्तो बताएकी थिइन् । रातो साडी र चोलीमा प्रस्ततु भएकी कोमलले आफ्ना थुप्रै तिज गीत र अन्य आधुनिक गीतहरु गाएकी थिइन् । नर्वेमा बसोबास गर्ने नेपालीलाई कोमलले भरपुर मनोरञ्जन दिएकी थिइन । नर्वेमा बसोबास गर्ने नेपाली परिवारसँग भेटेर माया बाँडन पाउँदा खुसी लागेको आफ्नो प्रस्तुती पछि कोमलले बताएकी छिन् ।

उनले उक्त कार्यक्रममा हल्ला भो शिबजी, नाँचौ हामी डिस्को, गोजीमा गाँठ भाको लगायतका दर्जनौ गीतहरु गाएकी थिइन् । ओलीले अगाडी भनिन्, ‘नर्वेमा बस्नेहरु नेपाली सँस्कृतिप्रति असाध्यै सचेत हुनुहँदो रहेछ । निकै खुसी लाग्यो । आफु जन्मेको ठाउँ दाङ जाँदा जुन माया पाउँथे, नर्वेका दिदी बहिनीले पनि त्यस्तै माया गर्नु भयो ।’